VSU Virtual Fun Run, mudawat pa og entries hangtod June 24 – DYDC 104.7 FM
NewsNews

VSU Virtual Fun Run, mudawat pa og entries hangtod June 24

Padayon pang mudawat og entries hangtod sa Hunyo baynte kwatro ang Institute of Human Kinetics alang sa VSU Alumni Homecoming Virtual Fun Run.

Gisugdan ang pagpangrehistro sa Virtual Fun Run niadtong Hunyo dise sais ug nagsugod ang schedule sa pagdagan niadtong Hunyo dise nwebe diin abli kini sa tanang VSU Alumni. Tungod kay virtual kini, mamahimong musalmot ang tanan, bisan og asa sila nahimutang sa sulod o gawas sa nasud.

Pre-registration link https://forms.gle/Xufanwnp8AigQF9f6

Submission link per category;(

25-40 yrs. old) Women https://forms.gle/Vbs8ReenGnbyHagg7

(25-40 yrs. old) Men https://forms.gle/jwpja3P7brxZJYwH9

(41-65 yrs. old) Women https://forms.gle/F98C4xscCvCASNtv8

(41-65 yrs. old) Men https://forms.gle/Nvc7PDh79j398C4w9

Kinahanglan lang nga mag-install og Strava nga mobile application nga maoy gamiton atol sa ilang pagdagan.

Ang virtual fun run nabahin sa pipila ka kategorya. Naay men’s category alang sa edad 21-40 years old ug 41-65 years old. Anaa usay women’s category alang sae dad 21-40 years old ug 41-65 years old. Tulo ka kilometro lang ang gikinhanglan nga daganon sa mga musalmot.

Human sa ilang dagan, kinahanglan nga i-screenshot ang resulta niini gamit ang Strava ug ipadala kini sa FB Page sa IHK.

Ideklarar ang mga mananaog sa Hunyo baynte sais diini i-post kini live sa VSU Facebook Page. Sa matag kategoriya makadawat og 1,500 ang first place, 1,000 pesos sa second place, ug 500 sa third place.

Angayang masayran nga ang Virtual Fun Run, tipik sa kalihukan sa VSU Virtual Grand Alumni Homecoming nga ipahigayon karong Hunyo baynte singko hangtod baynte sais ning tuiga.

Alang sa dugang kasayuran sa Virtual Fun Run, mamahimong mubisita sa Facebook Page sa IHK nga ‘Institute of Human Kinetics’. (Buen Josef C. Andrade)