Institute of Human Kinetics sa VSU, nagsaulog sa ika-kwarentay singko nga anibersaryo! – DYDC 104.7 FM
NewsNews

Institute of Human Kinetics sa VSU, nagsaulog sa ika-kwarentay singko nga anibersaryo!

March 11, 2021

Miarangkada na ang Institute of Human Kinetics kon (IHK) dinhi sa Visayas State University (VSU) sa ilang pagsaulog sa ilang ika- kwarentay singko nga founding anniversary.

Giablihan ang selebrasyon pinaagi sa usa ka Thanksgiving Mass nga gipahigayon kaniadtong Marso uno, didto sa Holy Spirit Parish Church diin gitambungan kini sa mga magtutudlo ug uban pang kawani nga ubos sa IHK.

Sa gidumalahan nilang programa dinhi sa sibyaanan nga Kinetika, sa ilang episode nga Usapang ika-45, ilang gitigom ang kasamtangan ug pipila sa mga nangagi na nga mga directors sa IHK aron hisgutan ang kahimtang sa institute kaniadto ug karon.

Nakig-uban sa livestream sila Current IHK Director Dr. Charis B. Limbo ug former directors Prof. Thelma C. Zafra, Mr. Ricarido C. Nanggan Jr., Prof. Vicente B. Antipaso, ug si Vice President for Student Affairs and Services, Dr. Aleli A. Villocino.

Matod pa ni Vice President Villocino, sukad pa kaniadto mapasalamaton siya sa team spirit ug team work taliwala sa mga miyembro sa IHK.

“Naa jud ang strength of the team. We always work together – sa hirap at ginhawa, mag-ulan sa tanan natong events, high and low, we’re always there for each other! Kana ang akong ipanghinambog to everyone that we really have it, the teamwork!…”

Gibutyag usab sa institute ang mga nakalinya nilang mga aktibidades sa ilang anibersaryo.

Lakip na niini ang ilang Free Webinars on Philippine Games, Arts, and Culture Amid the Pandemic nga ipahigayon karong umaabot Marso dose ug kinse uban ang ilang dinapit nga mga mamumulong nga sila Prof. Henry Daut, Deputy Executive Assistant of the National Academy of Sports ug Mr. Archie Tulin, Resource Management and Conservation Officer of Non-Timber Forest Products- Exchange Program.

Dugang pa, aduna usab Virtual Alumni Anniversary Greetings karong Marso dise nwebe,  Virtual Fun Run karong Marso dise says, Virtual Varsity Awards sa Marso dise nwebe ug Paligsahan sa IHK sa Marso baynte says.

Sa iyang mensahe, gipahayag ni Current Director Dr. Limbo ang iyang mga tinguha pa sa IHK hilabi na sa umaabot na usab nilang golden anniversary.

“I hope that IHK would be able to apply for Center of Development or Center of Excellence and we’ll be able to produce topnotchers… and we’ll be able to expand our programs that includes offering the new degree program Bachelor of Science in Sports Science, long-term man jud na siya nato nga plano and hopefully ato na siyang makuha na. I also hope to intensify our faculty profile, we project it based on our faculty development plan. We’d also like to make a contribution on the achievement of the long term goal of the university, to be a part of a world-ranking… maapil sa top schools in the world or in the Philippines.”

Perlyn Fernandez, DYDC Kalambuan News!