Init nga panahon mopasulabi karong adlawa sa nasud!

Nawala na ang gibantayang Low Pressure Area didto sa West Philippine Sea samtang pawala na usab ang pag-uwan sa Northern Luzon nga epekto sa Tail End of Frontal System.

Mao kini ang gibutyag ni Weather Specialist Benison Estareja sa DOST-PAGASA Forecast karong adlawa.

Siya nagnakayon usab nga easterlies na lang o init nga hangin gikan sa Pacific Ocean ang mipasulabi sa nasud karon. Nagdala kini og mainit nga panahon hilabi na sa kaudtohon.

Adunay tsansa nga muuwan apan tungod lang kini sa localized thunderstorm.

Karong semanaha, ubos ang tsansa nga adunay musulod nga low pressure area o bagyo.

Samtang sunod semana, adunay posibilidad nga mobalik ang Northeast Moonsoon o Amihan hilabi na sa Luzon ug Silangang bahin sa Visayas. Tungod niini ubos gihapon ang tsansa nga magsugod ang tag-init o dry season sa nasud.

Karong adlawa, gilaumang init ang panahon sa dakong bahin sa Luzon ug adunay sidlak sa adlaw hilabi sa buntag. Sa hapon, adunay tsansa sa mga localized thunderstorm hilabi nsa Silangang bahin sa Luzon.

Sama sa Luzon, mopassulabi gihapon dinhi Visayas ug didto sa Mindanao ang pagsidlak sa adlaw ug sa udto, gilaumang init ug alimuot ang panahon ug moabot gikan sa 32°c ngadto sa 34°c ang temperatura lakip na ang bahin sa Zamboanga City.

Sa hapon hangtod sa gabii, taas ang tsansa nga makasinati og localized thunderstorms apan wala kini kalabutan sa low-pressure area ug bagyo.

Sa laing bahin, walay gale warning sa dakong bahin sa nasud maong luwas nga makapanagat karon ang mga mangingisda. Matod usab sa forecast nga walay gilaumang gale warning sa nasud sa nahabiling mga adlaw karong semanaha.