GRC, naglunsad og Tiktok Challenge alang sa International Women’s Month!
Usa ka Tiktok Challenge ang ipahigayon sa Gender Resource Center (GRC) ning tunghaan agi’g pagsaulog sa International Women’s Month karong buwan sa Marso.
Ang maong kompetisyon abli alang sa tanang kawani sa Visayas State University (VSU) Main Campus.
Ang mga partisipante kinahanglan lamang maggama og video cover pinaagi sa Tiktok Application mahitungod sa tema sa Women’s Month karong tuiga nga mao ang “Juana Laban sa Pandemya:Kaya!”
Ang video cover nga isumite kinahanglan usab nga modagan og usa ka minuto apan dili molapas sa tulo ka-minuto.
Mamahimo usab nga gamiton sa mga partisipante ang nagkadaiyang effects sa Tiktok.
Ang mga partisipante nga moapil isip usa ka-grupo, gitugotang mosumite og usa lang ka entry.
Aron makaangkon og higayon nga makadaog, gibutyag sa GRC ang ilang sukaranan sa paghukum:
Originality, creativity and relevance of the theme- 100%
Confidence, presence and showmanship- 50%
Delivery- 20%
Gitataw usab sa GRC nga ang entry nga maghulagway og dili angayan nga content sama sa diskriminasyon batok sa mga kababayen-an, dili na iapil og hukom sa Board of Judges.
Angayang masayran nga ang submission sa mga entry magsugod karong Martes, Marso dise says hangtod Marso dise baynte singko pinaagi online sa ilang email, gad.office@vsu.edu.ph.
Grocery items ang ganti sa mga mananaog. Ang makaangkon sa 1st Prize makadawat og nagkantidad P5,000.00 nga grocery items, P3,000.00 ang second prize, P1,500.00 ang 3rd prize ug P500.00 ang pipila sa mapiling makadawat og consolation prize.
Ibutyag ang mga mananaog sa Marso traynta ning tuiga. (Perlyn Fernandez)
