Datos sa COVID-19 cases sa dakbayan, gitaho sa Baybay City Health Office! – DYDC 104.7 FM
News

Datos sa COVID-19 cases sa dakbayan, gitaho sa Baybay City Health Office!

Adunay dugang usa ka kaso sa COVID-19 dinhi sa dakbayan sa Baybay.

Gikan sa unom nga mga confirmed cases kaniadtong Marso kinse, nahimo kining pito base sa COVID-19 Monitoring Update sa Baybay City Health Office kagahapon, Marso dise says.

Ang upat ubos sa Local Case Index, usa ang local close contact ug duha ang imported returning resident.

Matod pa sa opisyal nga facebook page sa dakbayan, mao kini ang hinungdan nganong padayon nga i-quarantine ang mga Returning Residents dinhi sa dakbayan sa Baybay.

Samtang, gipahigayon kagahapon ang unang adlaw sa pagpamakuna batok sa covid-19 didto sa Western Leyte Provincial Hospital (WLPH).

Sitenta y tres (73) ka mga frontliners ang nabakunahan kagahapon. Gilangkoban kini sa singkuwenta y seis (56) ka mga kawani sa WLPH, dose (12) sa Visayas State University Services for Health, Emergency, and Rescue ug lima (5) ka mga ginsakopan sa Baybay Emergency response Unit.