Alay-Linis sulod sa VSU Main Campus, ipahigayon karong adlawa!

January 4, 2021

Isip pagsugat sa Bag-ong Tuig, dos mil baynte uno, ipahigayon sa Visayas State University (VSU) karong adlawa, Enero kwatro, dos mil baynte uno, ang pagpanghinlo o Alay-Linis sulod sa VSU Main Campus.

Matod pa sa memorandum circular number 1 series of 2021 nga gipagawas sa Office of the President, ang tanang utility workers lakip na ang mga project-based laborer gimandoang moapil sa Alay-Linis.

Nakasulat usab sa memo ang mga manguna sa maong kalihokan lakip na ang mga area assignment.

Sa Upper Campus, si Vice-President (VP) for Administration and Finance Dr. Remberto Patindol ang person-in-charge, gikan sa DLABS ngadto sa College of Forestry and Environmental Science samtang si VP for Planning, Resource Generation and Auxiliary Services, Dr. Dilberto Ferrarin sa Guardpost hangtod sa OVPRE nga bahin lakip na ang duol sa Department of Food Science & Technology, VSU Gym ug Institite of Human Kinetics , New University Library ug Canteen.

Sa laing bahin, si IHK Director Dr. Charis Limbo ang person-in-charge sa pagpanghinlo sa Lower Campus nga bahin apil na sa Beach Area, Apartelle ug Guest House samtang ang mga department heads usab ang sa sulod ug palibot ilang mga departamento ug bilding.

Si Engr. Marlon Burlas ug ang tibuok General Services Division sa VSU ang gilaumang mohatag og logistic support sama sa tractor, trailer, dumptruck ug uban pa.