Serye sa online trainings gipahigayon sa VSU agi’g pag-andam sa pag-abli sa klase – DYDC 104.7 FM
NewsNews

Serye sa online trainings gipahigayon sa VSU agi’g pag-andam sa pag-abli sa klase

Kasamtangang gipahigayon dinhi sa Visayas State University VSU ang Faculty Onboarding Training nga tuyong ma-andam ang mga magtutudlo sa pagpahigayon sa klase karon school year 2020-2021.

Ang maong training gisugdan ganinang buntag diin gilaumang mahuman kini sa adlaw’ng Miyerkules Agosto dose ning tuiga.

Sa tulo ka adlaw nga training, tuki-on ang mga topics sama sa VSU Learning Continuity Plan for the New Normal, Class Management Tools and Resources in the New Normal, ug Classroom Activities, Assessment, and Evaluation.

Gipahigayon kini alang sa tanang magtutudlo sa VSU System lakip na ang mga component colleges diin live kining gi-broadcast sa official Workplace Page nga vsuph.workplace.com.

Nasayran nga ang maong onboarding seminar gipahigayon aron mapasabot sa mga magtutudlo ang mga pagabuhaton hilabi na kay ang VSU magpatuman na sa “flexible learning”. Kini usab resulta sa mga gibuhat nga mga preparasyon sa pagdumala sa klase taliwa sa gitawag nga New Normal.

Ubos sa New Normal, gilimitahan ang face-to-face mode of instruction o pisikal nga pagklase sa tunghaan. Dugang pa, mamahimong mapahigayon ang klase pinaagi sa “online learning” ug asynchronous learning gamit ang mga learning materials nga ipadala sa mga estudyante aron tun-an.

Gawas pa sa onboarding training, magpahigayon usab og regional faculty onboarding sa Agosto trese ug katorse, general student orientation sa Agosto dise siyet ug dise otso, component colleges orientation new hire’s training gamit ang moodle sa agosto dise nwebe ug baynte, main campus college orientation sa Agosto baynte kwatro hangtod baynte otso ug ang ODAHRD New Hires Orientation sa Agosto trayntay uno.