DYDC Special Talk: Pagdumala sa mga hagit sa emosyonal nga aspeto panahon sa pandemya – DYDC 104.7 FM
Feature

DYDC Special Talk: Pagdumala sa mga hagit sa emosyonal nga aspeto panahon sa pandemya

Dili mahimakak ang kamatuoran nga sukad sa pagkatap sa sakit nga coronavirus 2019 kun COVID-19, nagdala kini og kahadlok sa katawhan — bata man o hamtong.

Ang kahadlok ug kabalaka kabahin sa usa ka sakit, mamahimo usab nga hinungdan sa grabeng emosyon nga magdala ug dili kaayohan sa panglawas ug panghunahuna.

Hinuon, bisan pa man nga wala pa’y tambal ning maong sakit, aduna kita’y mahimo aron maprotektahan nato ang atong kaugalingon ug ang uban.

Apan sama sa pag-atiman sa panglawas, importante usab nga hatagan og pagtagad sa tagsa-tagsa ang ilang panghunahuna ug emosyon.

Sa lain natong edisyon sa DYDC Special Talk on COVID Pandemic niadtong Hunyo 3, 2020, atong nakahinabi si VSU Guidance Couselor, Ms. Mary Ann Cobico aron sa pagtuki kung unsa nga mga hagit sa emosyonal nga aspeto ang mitumaw panahon sa pandemya.

Gihisgutan usab sa maong talk ang mga paagi sa pagdumala niini.

Watch it here: https://www.facebook.com/watch/live/?v=1895691897234092&ref=watch_permalink