Ang Kabililhon sa Organikong Pagpanguma
Aduna pa gihapon ang wala pa kaayo nasayod sa importansya, pamaagi ug uban pang kasayuran sa organic farming o organikong pagpanguma. Matod pa sa mga eksperto, importante nga masayod ug masabtan sa mga mag-uuma nga ang saktong pag-atiman sa yuta mao ang sentro ug adunay pinakadakong bahin sa organiko nga pagpanguma. Angayan nga ang mga pamaagi niini, nakasubay sa prinsipyo sa kinaiyahan o sa atong environment o ang giingong farming in harmony with nature.
Sa episode sa DYDC Special Talk on COVID Pandemic karong adlawa, Hunyo singko, gibutyag ni Dr. Romel B. Armecin, Director sa Eco-Farm and Resource Management Institute (EcoFARMI) dinhi sa VSU ang angayan masayran sa tanan hilabi na sa mga mag-uuma mahitungod sa organikong pagpanguma ug ang kabililhon niini lakip na ang mga inisyatibo nila sa EcoFARMI karong panahon sa pandemya.
Watch it here: https://www.facebook.com/vsudydcfm104.7/videos/272156404141013/
