VSU, mingduyog sa pagsaulog sa National Women’s Month

Pormal nang gisugdan sa Visayas State University VSU ang pagsaulog National Women’s Month sa tibuok buwan sa Marso. Kini atol sa Flag Raising Ceremony sa tunghaan ganinang alas osto sa buntag diin gitambungan kini sa mga kawani ug magtutudlo.

Tema sa Philippine Commission on Women kun PCW gikan sa tuig 2017 hangtud 2022 mao ang “We Make Change Work for Women”. Tumong niini nga mapadayag ang kamahinungdanon sa pag-empower sa mga kababayen-an ug mapakita ang responsibilidad sa gobyerno sa paghatag og serbisyo para sa ilang kalambuan.

Sa memorandum circular no. 22 nga giluwatan sa office of the VSU president, gidasig ni Dr. Edgardo Tulin ang mga magtutudlo og kawani sa pagsalmot sa mga kalihukan karong National Women’s Month.

Adunay daghang nakalinya nga mga kalihukan dinhi sa VSU alang sa pagsaulog sa National Women’s Month. Lakip niini mao ang sinemanang radio program dinhi sa DYDC-FM nga nagtuki sa mga isyu kabahin sa Gender and Development. Naa usay Laban ni Juana Facebook Online Photo Exhibit, mga nagkadaiyang forum, Serbisyo Para kang Juana at VSU Hospital, Poster Making Contest ug uban pa.

Leave a Reply

Your email address will not be published. Required fields are marked *