Health Awareness Forum gipahigayon sa dinhi sa VSU

Malampusong gipahigayon dinhi sa Visayas State University ang Annual Health Awareness Forum niadtong Septembre baynte siyete ning tuiga sa CCE Building diin gitambungan kini sa mga estudyante, kawani ug mga magtutudlo ning tunghaan.

Ang maong porum nga gi-ulohang Principles and Concepts of Disease Prevention gipasi-ugdahan sa VSU Hospital sa pagpangulo ni Dr. Elwin Jay Yu. Gisugdan ang maong kalihukan sa alas otso sa buntag hangtod sa alas dose sa udto.

Adunay upat ka buok topics o hisgutan sa maong porum. Kini mao ang Nutrition, we are what we eat nga gi-discuss ni Professor Aiza Kris Bernardo, Exercise Get fit don’t quit ni Dr. Leizel Elefante, Smoking Cessation and Alcoholism ni Dr. Niño Doydora, ug Disease Prevention and Vaccination ni Dr. Rodette Arevalo.

Human sa mga gihisgutang topics, gipahigayon pud ang open forum diin gihatagan og higayon ang mga partisipante nga makapangutana sa mga resource persons. Atol sa iyang closing remarks, gibutyag ni Dr. Othello Capuno, Vice President for Research and Extension sa VSU ang iyang pasalamat sa pagpahigayon ning maong kalihukan.

Angayang masayran nga ang maong kalihukan mao ang Culminating Activity sa usa ka buwan nga pagduyo sa VSU sa kasaulogan sa ika 119th Anibersaryo sa Pagpatukod sa Philippine Civil Service Commission diin nagpahigayon usab ug ubang aktibidad ang VSU sama sa Faculty and Staff Sportsfest.

Leave a Reply

Your email address will not be published. Required fields are marked *