Cine Europa, mibalik sa VSU

Mibalik na usab ang Cine Europa sa Visayas State University alang sa ilang ika-baynte dos nga edisyon sa pagpasundayag sa mga pelikula gikan sa Europa.

Ang maong film festival nga gibuksan sa Makati niadtong Setyembre 20,nagpahigayon og tour diin gipaambit ang dose ka pelikula sa tibuok Pilipinas.

Gilunsad niadtong 1998, ang Cine Europa ang pinakadugay ug labing komprehensibo nga international film festival sa nasud.

Karong tuiga, siyam ka dakbayan ang magpasiugda sa maong event diin kini ipahigayon sa mga sinehan, malls, ug unibersidad.

Lakip nga magpasiugda ang mga lugar sa Manila, Naga, Palawan, Cebu, Iloilo, Bohol, ug Leyte.

Matud pa ni Thomas Wiersing, ChargĂ© d’Affaires sa European Union Delegation to the Philippines, giisip ang maong festival nga usa ka maimpluwensyang gamit sa diplomasya sa kultura.

Dugang pa niya, ang Cine Europa usa ka talagsaon nga paagi nga nagpakita sa European diversity ug nagbukas og mga oportunidad sa industriya sa kultura.

Karong tuiga, dose ka pelikula nga naglibot sa gugma, panaghigalaay, pagtuo, kadaugan, ug kaisog ang gipakita sa mga embahada sa Belgium, Czech Republic, Denmark, France, Germany, Hungary, Italy, Netherlands, Norway, Spain, Sweden ug United Kingdom.

Giablihan kini sa Makati ug ningadto sa SM City Cebu ug SM City Iloilo; Bohol; Ateneo de Naga University ug SM sa Naga; Palawan State University ug SM sa Palawan; ug Visayas State University sa Baybay, Leyte.

Mobalik pa kini pag-usab sa Manila sa Film Development Council of the Philippines karong buwana alang sa katapusang mga programa.

Gipresentar kini sa EU Delegation to the Philippines ug ang Embassy sa Belgium, Czech Republic, Denmark, France, Germany, Hungary, Italy, Netherlands, Norway, Poland, Spain, Sweden ug United Kingdom lakip ang Alliance Francaise sa Manila, British Council, Goethe-Institut, Instituto Cervantes, ug ang Philippine-Italian Association.

Sa VSU, magsugod ang screening karong Nobyembre 6 ngadtos 10 sa University Library ug Center for Continuing Education kun CCE Building, 2nd floor.

Pagasugdan kini og usa ka opening program sa alas 5:30 sa hapon sa CCE ugma ug mosunod ang screening sa Belgian film nga Behind the Clouds.

Angayang masayran nga free admission ang maong film festival ug first-come first-served basis.

Gilauman usab nga dunay freebies human sa film showing.
Insert Voice clip — Prey Ogdoc (invitation)
Si Precious Joyce Ogdoc, staff sa International Affairs Office sa VSU.

Danica Godinez, Kalambuan News

Leave a Reply

Your email address will not be published. Required fields are marked *